下屆特首選舉成為城中熱話，華員會尋日率先舉行座談會邀請兩名疑似特首候選人唐英年同梁振英講吓對公務員問題嘅睇法，華員會講到明現階段對特首人選持中立態度，冇任何傾向，但華員會副會長利葵燕喺發言時露咗啲口風，就係好關注公務員士氣點樣可以提高，其實煲呔曾政府禍港七年，公務員都畀佢搞到不倫不類，兩面不是人，政府就快換掌舵人，公務員自然有好大寄望喇。
