政府委任民望超低嘅林瑞麟（林D9）做政務司司長（CS），引起全港公憤，原因之一係《基本法》訂明每當特首放假、外訪或者遇上不測，CS就會依法署任特首一職，成為香港嘅領導人。呢個港人嘅噩夢終於成真，煲呔曾今日下午起離港休假三日，林D9因而可過吓特首癮，但佢好快又要離港外訪，明日同後日改由財政司司長鬍鬚曾接力署任，即係林D9只係做得半日特首，咁港人都冇咁驚！
