已「執菜」兩年的嬌姐與三位姊妹逢周一及周三傍晚，便會一人一架手推車和膠箱，到大埔富善街街市收菜。記者於晚上跟隨嬌姐「執菜」，只見她逐一與相熟菜販打招呼：「老闆，今日有無菜呀？」不少菜販便會在店內取出蔬果，倒入她車上的膠箱，蔬果多有「缺陷美」，但無損新鮮，亦有肉販將「唔賣得」的內臟交給她作狗糧。

天賜食物唔好嘥

不消半小時，車上四大膠箱都已經滿載，四人便身水身汗將收集所得推回中心處理。嬌姐坦言加入計劃前並不知道要到街市「執菜」，甚至有人取笑她與垃圾婆無分別，但她笑言自己「面皮厚」，而且一向習慣節儉，十分認同計劃理念，兩年來愈做愈起勁。

剩菜變佳餚流程圖 女工在街市收集多箱賣剩的蔬菜。

將蔬果推回中心，再分類、過磅。

「我本身信佛，呢啲菜賣唔出，但係天賜食物唔好嘥，畀佢哋（嬌姐）做善事，幫啲有需要嘅人！」菜販曾先生得知計劃理念後，就義不容辭取出「賣剩菜」給嬌姐。

剪去蔬菜已爛了的部分。	根據材料擬定餐單一直忙至晚上十時。	利用回收食材，炮製出低碳午餐。

滿載的蔬果運返中心後，嬌姐與女工便要將蔬果分類、過磅，根據材料擬定餐單，為約四十人設計六餸一湯加糖水，繼而篩選食材，太爛的蔬果則收集堆肥，一直忙至晚上十時。

翌早九時開始，嬌姐與三名女工要先將食材清洗、削皮、切片，然後再進行煎、炒、煮、煲，中午前就炮製出四大枱低碳午餐。嬌姐說，入行前甚少煮如此多人飯菜，但看見學員吃得開心，總算值得。就讀美容班的僱員再培訓學員謝小姐亦大讚：「我仲以為啲菜係買番嚟！女工又好有心機，次次都唔同菜式，而且全部無味精，又可以慳番啲！」

回收計劃助紓困

職工盟項目經理葉子橋表示，「食德好」食物回收計劃自○九年起推行，目的是要在通脹升溫下紓緩低下階層的生活困難，而本港每天有不少食材被浪費，為免加重堆填區負擔，計劃中的女工變身「有機工作者」，宣傳環保減廢訊息，同時以低價向失業人士提供午餐。

圖：甘偉倫

文：陳詠恩