中環出更：《水舞間》獲大獎打孖上
澳門新濠天地上演嘅大型水上匯演《水舞間》，曾經掀起一輪撲飛熱潮，至今依然有唔少市民專登搭船去澳門捧場。最近，《水舞間》就獲得香港管理專業協會舉辦嘅二○一一年度「HKMA/TVB傑出市場策劃獎」「金獎」及「美國萬通亞洲最具創意獎」，認真威水。
去年《水舞間》先聲奪人嘅宣傳活動及鋪天蓋地嘅宣傳策略，喺公演前引起全城熱話。由於宣傳策略成功，首演後連續數月嘅門票火速售罄，而在首演後幾個月內，更成為訪澳遊客嘅必看匯演，所以獲得上述兩個大獎可謂實至名歸。
新濠博亞娛樂之娛樂及項目副總裁余耀雄話，《水舞間》豐富咗新濠天地多姿多彩嘅娛樂體驗，以及進一步推動澳門多元化嘅旅遊業發展，佢仲大讚新濠博亞娛樂聯席主席兼行政總裁何猷龍眼光獨到，促使一個世界級匯演嘅誕生。原來過去一年來，已經有超過七十五萬人去澳門睇過呢個咁精彩嘅水上匯演喇。