中環出更：健康快車籌款勁舞出色

支持內地火車醫院治盲工作嘅健康快車香港基金，上周五喺君悅酒店舉行動感十足嘅籌款晚宴，主席陳國超、副主席林賢奇等基金高層空群而出，城中名人亦踴躍撐場，氣氛好熱鬧。大會精心安排嘅社交舞表演掀起晚宴高潮，太子珠寶執董朱繼陶（Joseph）夫婦、前博愛醫院主席黃帆風夫婦等人，都一時技癢落場熱舞一番，睇到大家拍爛手掌。
專業舞者使出渾身解數，舞動全場。
專業舞者使出渾身解數，舞動全場。

當晚出席嘅嘉賓包括財經事務及庫務局局長陳家強夫婦、基金創辦人方黃吉雯、博愛醫院主席兼基金總理湯修齊、福建社團聯會副會長董吳玲玲等人。為善不甘後人嘅林賢奇全家總動員，威盡全場，除咗囝囝林子泰一家四口之外，女婿兼縱橫遊第二代接班人袁振寧，亦同啱啱生完BB嘅太太林藹欣帶埋大仔嚟撐場，一家人幸福滿瀉。

朱繼陶夫婦跳得合拍

為咗配合籌款夜主題「Dance To Light」，大會邀請社交舞名師率領門生表演，台下一眾深藏不露嘅嘉賓亦蠢蠢欲動，Joseph同太太朱鄧麗萍等人都落場玩得好盡興。Joseph學過跳舞兩年，笑稱已有兩年未跳過，卓妮見佢落場時略顯生疏，但好快已跟上節拍，跳得唔錯。

林賢奇夫婦（左四、五）率領全家齊撐場。右一為囝囝林子泰夫婦及一對子女，左一為袁振寧夫婦及囝囝。（溫國佳攝）
  • 林賢奇夫婦（左四、五）率領全家齊撐場。右一為囝囝林子泰夫婦及一對子女，左一為袁振寧夫婦及囝囝。（溫國佳攝）
一眾善長為籌款不遺餘力，左起：朱繼陶、陳國超、董吳玲玲及朱鄧麗萍。
  • 一眾善長為籌款不遺餘力，左起：朱繼陶、陳國超、董吳玲玲及朱鄧麗萍。

恒隆集團董事總經理陳南祿（Philip）當晚都喺度，當日佢特登由上海趕返港，與國泰航空企業事務董事莊偉茵等「Young Once」隊友表演做善事。佢哋彈唱精彩，聽到大家熱血沸騰，捐錢都疏爽啲喇！

朱繼陶夫婦在舞池曼妙起舞，十分合拍。
  • 朱繼陶夫婦在舞池曼妙起舞，十分合拍。
陳南祿變身電結他手，醉人自醉。
  • 陳南祿變身電結他手，醉人自醉。

卓妮

Money18免費即秒股票報價網站現推出8升級功能，財經資訊，實時實發！