梁振英走去通州街天橋底，同住板間房嘅市民分享佢嘅治港理念。梁振英話政府要確保有充足嘅土地供應，每年應該要起三萬五千個公屋單位，令到人人有屋住，三年可上樓。
亂開期票VS厚顏認叻
此外，佢仲認為政府應該要重開扶貧委員會、提出十五年免費教育，解決基層貧窮等深層次矛盾，搞到啲街坊起晒哄話支持佢。
唐英年就出席關社聯盟座談會，佢曾經係扶貧委員會主席，但就不斷被人批評佢扶貧不力，香港嘅貧窮問題愈嚟愈嚴重。佢尋日竟然厚顏地認叻，話扶貧委員會爭取設立咗交通津貼同兒童發展基金。佢講唔到話日後要增建幾多公屋，話要計過條數，睇睇目標喎。至於對十五年免費教育點睇，佢仲更加係無答添。