示威對某啲議員嚟講可以話係家常便飯，但廠商會立法會代表林大輝尋日就獻出議會內嘅「處女」示威，企起身高舉寫上「政府絕情、不理工業」嘅示威牌，志在明寸煲呔曾對工業發展無出過力。不過，大輝今次示威冇乜人理會，好似當佢透明咁，連人民力量陳偉業離場時都要笑佢，話主席曾鈺成點解唔處理大輝高舉示威牌嘅行為喎；學人示威搞成咁，真係得啖笑。
