政情：陳岳鵬銘記喬布斯金句
Apple電腦教主喬布斯（Steve Jobs）逝世，令一眾電腦迷黯然神傷，好多人談及喬布斯生前嘅軼事。原來特首辦特別助理陳岳鵬（Ronald）都曾經同喬布斯有過一段偶遇，話說○五年喬布斯喺史丹福大學畢業禮致辭時，Ronald咁啱就係台下畢業生之一。
喬布斯當時講咗句：「Stay hungry，stay foolish」（求知若飢，虛心若愚）之後就一直被人瘋傳，Ronald話呢句說話對佢影響好深，至今都係佢嘅人生座右銘。不過，其實呢句說話並唔係出自喬布斯，而係出自六、七十年代一本反文化雜誌《Whole Earth Catalog》停刊號嘅封底。
呢本雜誌對當時社會有好大回響，就連喬布斯都話，雜誌係佢年輕時嘅「聖經」之一，又形容雜誌係當年嘅「平面印刷Google」。
其實喬布斯同大家分享佢呢句說話係想勉勵畢業生不要安於現狀，就要不斷探求知識，所以大家下次要引述喬布斯金句嘅時候，不妨都搵下金句嘅出處。