煲呔曾最後一份施政報告亂開期票，遭受各界鬧爆。不過，剛升職嘅政務司司長林瑞麟（林D9）就大讚報告涵蓋面闊、針對性強同可行性高，怕且社會上嘅「N」無人士聽到都嘔血。唔單止咁，林D9尋日現身立法會後，同好多泛民主派議員扮晒老友、攬頭攬頸，聆聽報告時又扮晒專心，似乎想博洗底，奢望一改佢以前做政制及內地事務局局長時嘅劣績，但邊有咁容易吖！
