內地孕婦湧港 藝人盼管制
徐淑敏與丈夫黃浩（剛誕下次女）「太多人嚟香港生當然唔係好事，如果唔係，點會咁多國家對孕婦入境有所限制？就係唔希望太多外來人造成人口過度膨脹，香港應該在入境同醫院方面加強管制！」
歐倩怡（剛生次女）「內地孕婦來港產子問題已經有一段時間，我生BB時都發現book床位生仔有困難，醫生要求愈早book愈好，有啲孕婦一check到有BB，可能懷孕三個月即刻book醫院。」
黃婉君（Rosanne，半年前在私院生囝囝）「覺得香港未有準備可容納咁多孕婦，最初我去搵醫院，醫院都叫我快啲報，因好多內地人來港生BB，怕冇床位，當時我喺香港、新加坡都搵定一間醫院留位，結果嘥咗一筆錢。」
唐寧「內地孕婦來港生BB問題，希望政府可以幫手諗辦法解決，或者可以重開以前興嗰啲留產所，有位朋友都好緊張要事前book床位。我好幸運，醫生話有位，我先至唔使擔心。」
