政情:八號波吹散鄉局雅興

尋日八號波襲港,好多活動都受到影響,新界鄉議局原本預訂尋日舉行就職典禮,點知遇上颱風,搞到鄉紳們都退避三舍,活動臨時取消,認真掃興。有鄉民原本打算向擔任嘉賓嘅煲呔曾示威請願,最終當然搞唔成啦,今次亦係鄉議局繼上次包圍立法會之後,再次遇上惡劣天氣,難怪好多鄉紳都話,鄉議局今年風雨飄搖,真係要事事小心先得。咁多風風雨雨,相信連鄉議局主席劉皇發都不禁問一句:「唔通連個天都唔鍾意我?」

「Money18免費即秒股票報價網站」現推出8升級功能,財經資訊,實時實發!