中環出更：Apple Store登陸ifc 名人率先朝聖

香港首間Apple Store即將喺中環ifc開幕，已經有粉絲急不及待排隊等開張，但城中名人尋日就有得去優先場先睹為快。卓妮尋日都有到現場湊熱鬧，未開始前，作為ifc業主嘅新鴻基地產副主席郭炳聯已率先喺中午到場參觀，擔天望地細心欣賞，其後科技大學校長陳繁昌及副校長翁以登、貿發局總裁林天福、前美商會主席詹康信陸續到場，林、詹兩人仲開心把玩手機添！
郭炳聯（左）率先到香港Apple Store參觀。 （袁志豪攝）
郭炳聯（左）率先到香港Apple Store參觀。 （袁志豪攝）

林天福失望冇新嘢賣

陳繁昌就話，呢間專門店同其他美國分店一樣咁簡潔同優雅，對稱嘅線條，視覺上有猶如一間現代藝術博物館。同場仲有羅氏針織後人羅可欣，佢都係呢個品牌嘅擁躉，無論智能手機、手提電腦或音樂播放器等產品幾乎都有齊，佢大讚產品既前衞又時尚。林天福就話，咁大個品牌來港落戶，證明亞洲市場係何等重要，但佢話睇唔到有新嘢賣就有啲失望喎。

陳繁昌（左）同翁以登（中）到場參觀。
  • 陳繁昌（左）同翁以登（中）到場參觀。
林天福（中）同詹康信（左）好專心把玩智能手機。 （徐家浩攝）
  • 林天福（中）同詹康信（左）好專心把玩智能手機。 （徐家浩攝）

「Money18免費即秒股票報價網站」現推出8升級功能，財經資訊，實時實發！