又驚又拍 險象曝光
【本報訊】新紮女車長行錯路期間，車上乘客如熱鍋上的螞蟻，嚇至失魂落魄，乘坐該條巴士路線多年的本報記者，眼見車長「舞龍咁舞」，雖然感到十分擔憂，惟仍然要冒險拍下這驚險的時刻。
車長呆呆無反應
「你唔好停喺度，後便有車撞過來就好危險！」「你唔係call車來載我哋咩？」當女車長被乘客通知行錯路，車長竟即時煞停車欲打電話，嚇得在場乘客大叫，直斥她此舉很危險，隨時會發生交通意外。由於梁在乘客提點下，仍然不時行錯方向，有家長嚇得抱緊年幼子女。
雖然不少乘客也很熱心相助女車長指點行車路線，惟「你一言，我一語」，令女車長更亂上加亂，手足無措。
經歷了四十分鐘的驚險車程後，乘客終於戰戰兢兢在上水下車，有乘客邊下車邊說：「今日真係唔好彩！」也有打趣問司機：「你識唔識去天平邨？」惟車長絲毫沒有反應，連一聲「對唔住」、「唔好意思」的客套話也說不出。