舊年政改通過之後，白鴿黨心紅起來，矢志喺今年區議會選舉，向建制派星級區議員挑機。點知一年下來，白鴿黨民望大幅回落，加上受到人民力量狙擊，令佢哋只能採取穩守突擊策略。
白鴿黨今年派出一百三十人參選，佢哋嘅挑機大計，原意係透過由黨內大佬及立法會議員參選，谷起區選選情及投票率。不過黨副主席單仲偕（雞）尋日形容，呢次區選對佢哋嚟講已經係一場「危機」，因為近日民調反映白鴿黨民望唔高，同舊年通過政改後嘅高峰相比，差咗約莫一半，加上遭受疑似民建聯Ｂ隊嘅人民力量狙擊，牽制住佢哋參選嘅星級人物，令佢哋唔可以過區幫兄弟手，故此壓力極大。
早有所聞嘅挑機大計，好似李耀基硬撼工聯會票后陳婉嫻，以及黃成智再戰北區區會主席蘇西智，都因為李黃二人要留守原區而告吹。不過雞話佢哋經已有一支敢死隊準備上場，所以無論嫻姐、專業會議立法會議員梁美芬或者民建聯張國鈞，白鴿黨一定有人招呼佢哋喎。
雞）尋日形容，呢次區選對佢哋嚟講已經係一場「危機」，因為近日民調反映白鴿黨民望唔高，同舊年通過政改後嘅高峰相比，差咗約莫一半，加上遭受疑似民建聯Ｂ隊嘅人民力量狙擊，牽制住佢哋參選嘅星級人物，令佢哋唔可以過區幫兄弟手，故此壓力極大。