中環出更：朱繼陶筵開70席 娶靚新抱

太子珠寶鐘錶執董兼鐘錶業總會主席朱繼陶（Joseph）上周四榮升新老爺，公子朱國良（Ambrose）與拍拖多年嘅女友彭慧玲終於拉埋天窗，喺會展筵開七十圍宴請城中好友，到賀嘅政商名人近千人，恭賀聲此起彼落。飲咗新抱茶嘅Joseph同太太朱鄧麗萍甜到入心，成晚笑到見牙唔見眼。朱家千金、歌手朱紫嬈幾忙都要放低工作，見證哥哥嘅大喜日子，仲上台獻唱祝賀新人白頭到老。
新娘彭慧玲（右三）喺太子珠寶打工遇上真命天子Ambrose（左三），姻緣天注定。朱繼陶同朱太（右一、二）笑逐顏開，與親家合照。 （溫國佳攝）
新娘彭慧玲（右三）喺太子珠寶打工遇上真命天子Ambrose（左三），姻緣天注定。朱繼陶同朱太（右一、二）笑逐顏開，與親家合照。 （溫國佳攝）

朱家上下都係虔誠天主教徒，當日下午一對新人先喺中環堅道天主教堂行禮，夜晚移師至會展宴客。到賀嘅鐘錶界翹楚無數，包括喜運佳老闆兼玩具大王蔡志明夫婦、鐘錶界靚女名媛胡敏珊等。工業總會副主席兼運年錶業老闆劉展灝（Stanley）都來見習吓，事關佢都就嚟飲新抱茶，佢大仔劉燊濤將於十一月底做老襯，仲同喜運佳常務董事梁青華娶新抱之日撞到正添！

哥哥結婚，朱紫嬈（左）幾忙都要嚟幫手招呼賓客，右為傳媒界名人甘國亮。
  • 哥哥結婚，朱紫嬈（左）幾忙都要嚟幫手招呼賓客，右為傳媒界名人甘國亮。

Stanley笑稱，今年係好年，嫁娶喜事多，仲話今次係佢第一次榮升老爺，緊張程度同當年娶老婆差不多。

Joseph出身於恒生銀行，恒生女大班梁高美懿梗要嚟分享喜悅啦，愛沙尼亞共和國駐港名譽領事林建康夫婦、立法會議員方剛等亦現身沾喜氣。太子珠寶鐘錶主席鄧鉅明係新郎哥舅父，佢開心到拎住酒杯周圍敬酒，情緒High爆。

滿堂賓客中，有歌唱家莫華倫夫婦（左二、中）、中總會長蔡冠深太太關穎琴（右一）、社交界名人李桂蘭（右二）同前保良局總理方劉小梅。
  • 滿堂賓客中，有歌唱家莫華倫夫婦（左二、中）、中總會長蔡冠深太太關穎琴（右一）、社交界名人李桂蘭（右二）同前保良局總理方劉小梅。
恒生女大班梁高美懿（右）晚宴上同教育局局長孫明揚（中）及女童軍香港總監彭徐美雲（左）喜相逢。
  • 恒生女大班梁高美懿（右）晚宴上同教育局局長孫明揚（中）及女童軍香港總監彭徐美雲（左）喜相逢。

想要三個孫

賓客猛讚新娘子靚女又乖巧，同新郎確係郎才女貌。被問到幾時生BB，新老爺就話要等天主決定，不過，最好生夠三個啦！

卓妮

Money18免費即秒股票報價網站現推出8升級功能，財經資訊，實時實發！