鄉議局尋日同發展局開會，討論之前席捲全港嘅僭建問題，好可惜會議氣氛極僵，大部分鄉紳開開吓會都中途離場，有鄉委會主席更揚言要「放炸彈」抗爭，都咪話唔激。鄉議局主席劉皇發一向都做慣和事老，但今次開完會都只係強顏歡笑，雖然猛話「事緩則圓」，希望繼續同政府磋商，但就批評煲呔曾同高官都有僭建。班高官其身不正，強硬執法拆僭建難免會被人抽秤。
