北區醫院堵火警逃生路

記者 嚴朗婷

北區醫院護士阿的（化名）指出，醫院地庫、四樓與五樓職員宿舍通道長期囤積大量雜物，最近上水消防局協助院方進行火警演習，期間直指院方違反《消防條例》並口頭勸喻修正，惟醫院卻未有處理，「消防處次次嚟檢查都叫我哋擺好啲嘢，但醫院就當耳邊風，繼續當走廊係貨倉，消防喉同防煙門全部遮住晒，燒起上嚟唔知點算！」

乒乓波枱 職員宿舍五樓出入通道擺放一張標準乒乓球枱，出入者皆受阻。

床褥 員工宿舍防煙門外擺放大量床褥。

健身單車置通道旁

記者實地了解時，發現醫院大樓地庫通道放滿雜物，消防喉等裝置亦被遮擋。升降機抵達四樓時，甫開門即見比門還要高的雜物堆在面前，後樓梯防煙門後則放有一張木枱，走火通道僅能容一人通過。至於五樓的職員宿舍情況更為嚴重，不但有包括健身單車在內等雜物囤積於通道，更有一張標準乒乓球枱放於近門口位置，令走火通道障礙重重。

職員反問：未搬走咩？

北區醫院發言人承認，今年六月曾與消防處合辦員工宿舍演習，期間於通道發現物件，已即時清理及提醒員工勿於通道放置物件。

惟記者於事後再度視察，發現雜物俱原封不動，再向發言人求證時，對方竟反問記者：「乜未搬走咩？」事後才回覆指雜物已確定清走。

消防處發言人則稱，接獲投訴後已即時巡查，但未有發現違例情況，至於上述宿舍於演習時是否曾向北區醫院發出勸喻，發言人僅口頭回應：「查嗰陣見到有問題就會叫佢哋留意，但就冇紀錄」。

「消防安全只係普通常識，醫管局冇可能唔知，帶頭知法犯法絕對唔能夠接受！」立法會議員葉偉明狠斥北區醫院知法犯法後竟未有及時矯正，直有罔顧市民及職員安全之嫌，「等出事先補鑊就太遲，如果有咩事，醫院點賠番條命畀人？」葉直指事件反映院方處事輕率，促醫管局嚴正處理事件。

北區區議員劉國勳亦指事件難以置信，並批評院方行政混亂，「醫院畀公眾嘅印象應該係專業同安全，居然有啲咁嘅事，真係令市民好失望！」劉又指事件亦反映消防處巡查有欠嚴謹，「既然演習嗰陣已經知道有違規，就應該巡得密啲，唔應該因為大家都係政府部門就求求其其！」