維基解密日前揭露，長毛曾經向美國駐港總領事館爆料，話蘋果肥佬黎係北京嘅盟友。
接旨《蘋果》大做甘威醜聞
長毛當時又話大做甘威其實係北京「柯打」，台灣《蘋果日報》直情係北京傳聲筒添！《蘋果日報》尋日否認有關講法，但係長毛都係泛民中人，所爆嘅料都唔可以話完全不可信。
話時話，北京對於唔聽話嘅人反而會加以獎勵，好似前幾日訪華作國事訪問嘅菲律賓總統阿基諾三世，北京既以高規格接待，又避談南海爭議，亦冇要求阿基諾三世就人質事件道歉，最後仲同菲方簽署經貿、旅遊等高達五百多億港元嘅合作協議。
如果按照番呢個邏輯推論，長毛今次爆料話肥佬黎係北京傳聲筒，都未必無因。