富善邨失修 鹹淡水齊斷
公共屋邨鹹水供應長期不穩，房屋署竟然推卸責任！大埔富善邨善群樓一年內多次暫停鹹水供應，最近暫停鹹水供應逾半月後，管理公司聲稱完成維修之際，竟再發生鹹水管與淡水管同時爆裂事件。管理公司雖承認鹹水接連斷供與鹹水閘掣老化及喉管滲漏有關，但仍然拒絕全面更換喉管。關注團體狠批房屋署對租者置其屋旗下屋邨棄如敝屣，促加強管理與監管，對租戶權益作出最基本保障。
「試過一個月停幾次，次次都停成個禮拜，由八月一日停到月尾都冇鹹水，日日要用六桶水沖廁，嚟緊呢期水費都唔知要交幾多錢！」梁太指大堂長期有告示指鹹水斷供，但恢復供應日期卻為「直至另行通知」，令居民怨聲載道，「七月尾停（鹹水）嘅時候得一個工地，但有番水一日又再停，結果又多一個工地，但就從未見過有人做嘢！」
多處滲漏 閘掣老化
記者多次於上午不同時段實地了解，皆未見有工人開工。期間邨民黃生更指邨內不只一幢大廈停供鹹水，「早排善鄰樓都係咁，唔知係咪善鄰樓做咗工程，依家咪輪到另一邊有事囉！」
對於鹹水供應不穩一事，房署發言人以富善邨已納入租置屋邨計劃為由，僅交由管理公司回應。富善邨管業處發言人拒絕提供近期該邨鹹水斷供次數及詳情，僅承認該邨部分地底鹹水喉有多處滲漏，造成鹹水供應間歇中斷，加上鹹水閘掣老化而需作更換。鑑於工程涉及龐大開支，法團需進行招標，更換鹹水閘掣工程預計可於九月初完成，現階段則亦未有計劃全面更換鹹水系統。
不過，接獲有關回應後當日，再有居民表示鹹、淡水竟一同斷供，令居民極為不滿。管業處發言人承認事件，表示因維修期間發生意外，一度影響屋苑食水及部分鹹水供應。
頭痛醫頭 隨時再壞
富善邨居民業主權益關注聯盟主席梁少英證實，富善邨所有樓宇的鹹淡水於八月三十日突然同時斷供，不滿房署一直漠視問題，「房署作為大業主，屋邨嘅事點都要理，明知條邨有成廿幾年，啲喉管一早就要換晒，但依家就淨係旨意業主立案法團，咁嘅做法明顯只係頭痛醫頭！」梁指更換鹹水閘掣後鹹、淡水雖恢復供應，仍擔心不日又會出事。
「成日停嘅話即可能成個鹹水供應系統都有問題，一定要全面換過，唔換晒嘅話隨時再壞。」香港專業教育學院（摩理臣山）建造工程系系主任陳子明認為，問題關鍵在於鹹水供應系統老化，倘只更換鹹水掣只屬治標不治本。
記者 陳婉蘋