警務處處長曾偉雄以「黑影卡手論」嚟解釋警員用手遮擋記者鏡頭，遭全城嘲諷。一批青年人尋日組成「反鷹抗暴行動組」聲討警方濫權，批評曾偉雄所講嘅「黑影論」貽笑大方，話其實黑影正係由曾偉雄帶領嘅警隊黑暗極權，行動組呼籲全港市民喺本周六身穿黑衣同手持黑色雨遮，參加「驅走極權黑影」遊行，迫使曾偉雄下台。
