白鴿黨將於周日開會討論參選特首問題，該黨三名黨員早前就向黨友發表公開信，力撐黨主席何俊仁出選，並狠批被指為「搞事四人幫」嘅壹傳媒集團主席黎智英、前政務司司長陳方安生及前港區人大李鵬飛等人，對該黨決策指指點點，要求鐵頭仁帶領一眾黨員企硬，力拒外界干預。
上述三人加埋白鴿黨創黨主席李柱銘，經常喺香港政壇搞搞震，最經典一役係喺淫賤黎屋企大搞秘密飯局，企圖脅迫已故白鴿黨元老司徒華支持「五區公投」，好彩華叔最後企硬反對，並踢爆佢哋嘅惡行。隨着特首選舉臨近，陳太等人早前又再出招，大力游說前公民黨黨魁余若薇代表泛民主派參選特首，但由於白鴿黨堅拒再為公民黨抬轎，有關建議先至胎死腹中。
三名白鴿黨員楊錚、陳德明、羅國強，日前就向黨友發表公開信，強調該黨「不需要，也不能接受陳方安生、黎智英及李鵬飛等人插手、指點」，並質疑「陳方安生、黎智英是否民主黨會員或特邀會員或不宜公開會員，我們一直是存疑團的」。
我哋問過白鴿黨中人，證實三人係該黨黨員同見過類似公開信，並澄清陳太同黎智英並非該黨任何形式嘅黨員。翻查資料，陳德明早喺兩年前該黨討論「公投」同政改方案時，已經喺黨內發表過類似言論，又不點名狠批當時力撐「公投」嘅李漢奸。希望鐵頭仁會聽到呢幾位黨員嘅聲音，力抗一啲再無影響力嘅政棍或塘邊鶴喺度說三道四抽水。