警方就國家領導人訪港嘅保安安排受盡千夫所指，更搞到港大校長徐立之周身蟻。理工大學校長唐偉章尋日就話，領導人到訪大學嘅安排有需要檢討，仲強調理大一定會維護言論自由，如果日後有領導人訪問理大，亦會按呢個原則安排，畀不同聲音可以表達喎。唐校長真係講得輕鬆，問題係依家警方入侵校園，大學冇咗自主權，如果理大將來有領導人到訪，唔知唐校長係咪真係咁勇猛呢？
