國務院副總理李克強前日出席港大百周年校慶典禮期間，警方封鎖全部出入口禁止示威者行近之餘，更以暴力將三名示威學生禁錮喺梯間兩小時，被批評濫權及涉嫌非法禁錮外，更指港大「政治獻媚」。不過，港大校長徐立之同保安局局長李少光就互相推卸責任，徐校長暗指保安由警方負責，但李少光就話警方只係配合港大嘅保安，無論係邊個嘅錯，事件已令香港蒙羞。
