煲呔曾嘅夕陽政府尚餘十個月便玩完，施政無能依然死要面子，被指疑為配合國務院副總理李克強訪港並主持新總部開幕儀式，罔顧保安又食塵，特首辦倉卒搬入添馬艦。老朽想起這麼一句：必要時衣衫不妨凌亂，靈魂卻要整潔。新總部雖然堂皇，然施政一片空白，吹着口哨上班也掩不住蒼白的靈魂！
煲呔曾自詡政治家，而政治家應具有的原則與信仰，在佢身上一啲都睇唔到。佢在任六年多，吹水吹足六年多，十大基建被嘲「十大譏建」，六大產業淪為「六大慘業」，講得出做唔到亦家常便飯，好似向商界承諾降低利得稅至百分之十五，又是說了算。有道是，高聲喧鬧不足為憑。母雞往往咯咯不休，像產下了一顆星星似的，其實只不過孵出一個蛋罷了。
政治家最大的污點是言而無信，煲呔曾治港六年，民生多艱，貧富懸殊日益嚴重，社聯最新統計貧窮人口高達一百二十六萬；民生事務亦一塌糊塗，高官推行政策，教育、環境、醫療、安老、居屋……無一瓣掂，佢治港六年，唯一成就睇怕係留下一大籮深層次矛盾。
美國文豪馬克‧吐溫一篇談《聖經》人物亞當，他說人們祝酒的名單老是漏了亞當，他是人類始祖，原可以使自己成為亞當少將或任何稱呼；他的名聲沒有污點，縱使有，也只拿走一隻蘋果而已，而我們當中大多數人卻可能拿走一季的蘋果收穫量。
馬克‧吐溫這番話，意指他向亞當致敬是由於他純正的個人品行，而不是剛巧是他的一個親屬。其幽默，煲呔曾能領悟否？