港交所「披露易」網站一連兩日被黑客入侵，電腦保安不堪一擊，令香港國際金融地位蒙羞，除咗港交所要為事件孭鑊外，財爺鬍鬚曾都責無旁貸。不過，經常吹噓金融系統運作正常嘅鬍鬚曾尋日就繼續死撐，唔認港交所網上保安不足，聲言網站有專家管理，佢仲唔知醜狡辯話，世界上好多機構嘅電腦都試過被黑客入侵啦，十足小朋友犯錯後拉埋其他同伴落水為自己辯護一樣。
