Party Life：酒逢菁英

人才濟濟嘅菁英會，上周四喺會展舉行新一屆執委會就職禮，逾五百位政商界名人紛到賀，碰杯聲不絕於耳。兄弟班相聚，美食係其次，晚宴講求環保，拒食魚翅，但紅酒、香檳就開個不停。散席後，菁英兄弟仲拉隊去飲嘢，唔知係唔係不醉無歸呢？

廖創興家族後人廖偉麟（左）、王文博（中）及東源大地物流公司老闆王嘉恩（右）齊擔任今屆執委。	Dr.Reborn老闆鄧志輝（右）同健康食品公司老闆陳家偉都係菁英會後起之秀。	菁英女將陣容鼎盛，左起：潘美婷、譚載怡、林玉茵、黃夢瑩及張雅麗。（徐家浩攝）
珠寶公司太子女吳嘉淳表演彈古箏，琴聲醉人。	前東華三院主席李三元大公子李曠怡（左）今年加入青聯做會董，女友梁煒茵就入菁英會。	立法會議員霍震霆次子霍啟山（圖）孖哥哥霍啟剛一同赴會，身邊未見有女伴。