政情：阿涂「抽水」備戰區選

還記得早前發表「選民懲罰論」嘅專業會議立法會議員梁美芬（鼠王芬），亦曾經帶埋專家到油麻地避風塘等地抽驗水質，又曾跳出九龍西「抽水」，因而被冠以「抽水芬」別名，惹來網民冷嘲熱諷。話時話，阿涂有咁多地區議題唔揀，偏偏揀正抽水，莫非中產選民特別關注維港水質？雖然阿涂肯放下身段落區備選，但就要有心理準備又畀人話佢抽水喇。

其實阿涂唔選又選，都係因為要配合白鴿黨玩超級區議會議席，所有身兼立法會議員嘅黨員都無一幸免，但最終會揀邊個出選，都仲要睇全港知名度，最重要係攞到區議員張入場券先至有得講。