政情:新民主同盟身家得四萬

脫離白鴿黨另立門戶一段日子嘅新民主同盟,最近不斷有成員加入,而且仲有三個係前白鴿黨嘅地區幹事,實力加強唔少。但吸水能力始終麻麻,就算喺七一遊行都只係籌得四萬蚊,而且已經係新民主同盟成副身家,嚟緊區選要慢慢搣至得。

新民主同盟新召集人陳竟明尋日摸住酒杯底同傳媒聚會,個感覺好中產。唔講以為佢哋財力雄厚,但其實要周圍撲水,好似七一呢個黃金吸水時機,佢哋都係籌到嗰四萬蚊。雖然無乜錢,但創意十足,上任召集人梁里已經設計咗個新民主同盟QR CODE(快速識別條碼),用手機一影就可以去到每個人嘅facebook、微博,宣傳一流又唔使錢。

區選將至,缺水嘅新民主同盟無咗白鴿黨泵水,選情會唔會每況愈下?任啟邦就話,有時唔一定樹大好遮蔭,因為畀雷劈時,企喺樹底反而好易中招,畀雷劈死,似乎有弦外之音喎。

Money18免費即秒股票報價網站現推出8升級功能,財經資訊,實時實發!