政情：高永文無意助選特首

高醫生話自己管理財政唔係咁決斷，自言比較關心基層需要，如果要佢爭取改善服務就鍾意，但如果要佢削減資源而令質素下降，做到大家都壓力大嘅話，佢就唔忍心喎。所以後來醫管局請行政總裁，佢都話無意圖去做，寧願直接為病人服務，撥時間做義工仲開心，好似佢依家做防癌會主席同去四川做義工就成為佢生活嘅一部分。

講開又講，防癌會依家舉行緊籌款活動，資助慈善愛心病床，提供畀癌症病人復康。高醫生就勸勉大家，防癌除咗要均衡飲食同做運動之餘，仲要保持心境開朗，唔好咁執着同計較。