政情：李偉儀談掃黃寸白鴿

李偉儀一向為性工作者出頭，佢叫市民放長雙眼睇實白鴿黨動向，因為白鴿黨喺選舉前，例必高舉「掃黃」旗幟，以趕走當區性工作者做政綱來討好街坊。但今次白鴿愛上鳳姐，如果一邊要求警方掃黃，一邊容許黨員嫖妓，同自打嘴巴無分別，所以李偉儀先叫大家實白鴿黨。

有白鴿中人話，陳家偉唔會再參選，但今次事件對個黨其實幾傷，因為有唔少街坊都誤以為白鴿中人亂搞關係，長此落去，實會影響區會選情。佢話今次事件連白鴿高層都無晒辦法，只識同陳家偉斬纜止血，但補血之道就諗唔到。