醫學界轟梁卓偉「夾硬嚟」

指不少國家都做得到

梁卓偉昨出席電台節目時稱，聽到醫療業界認為套餐收費有困難，但本地不少私家醫院已設有套餐服務，以內地孕婦來港分娩為例，部分私家醫院更推出七、八十種套餐，而且不少先進國家都行之有效：「咁多個國家都做到，我諗唔到點解香港做唔到！」

但他承認，部分專科病症不能設套餐收費，更不能納入自願醫保保障範圍：「如換肝手術只係瑪麗醫院先做到，如果納入基本保障範圍，會將保費拉高，最後吸引唔到投保人。」梁又指，政府未來會推出四幅私家醫院用地，要求營運者以「套餐」模式收費。

香港醫學會會長蔡堅指，堅持私院訂明收費是「與現實脫節」的規定：「我知手術有套餐收費，但唔可以單憑某些病徵就可以確診咩病，檢查費又點計？」他不排除有私家醫院不理當局規管收費。

「關懷香港」召集人郭家麒亦批評政府「夾硬嚟」規管套餐式收費，他無奈地笑言：「佢哋（政府）真係住喺火星！內地孕婦來港分娩啲手術費根本由醫院開價，套餐做得幾多個！」他指套餐收費欠細節，只會令市民一頭霧水。