巴士站指示亂 乘客混淆
「咁近有兩個巴士站，都唔知邊個先係真？」伍先生經常在彌敦道弼街巴士站等候九巴6號線前往深水埗，近日發現上址有兩個巴士站分別標示6號線字樣，對候車位置大感混淆，「兩個站都有6號，但巴士只會停一個站，咁搞法實追車追到暈！」
九巴發言人表示，一般會以站柱標示巴士站位置，惟因6號及6A線候車乘客較多，故特別於站柱旁設置排隊鐵欄，並以黑牌白字提示乘客排隊位置。
「連司機都話兩個站都會上落，九巴內部究竟有冇足夠溝通？」當區區議員黃舒明認為有關指示易令乘客混淆，「尤其旺角有咁多區外人出入，唔係經常搭就好易排錯隊！」黃建議九巴於巴士站加強標示，避免令乘客誤會。