立法會下周三本來會恢復二讀替補機制法案，連同其他議程最少要傾足三日，令煲呔曾有藉口取消原定喺下周五舉行嘅特首答問大會，逃避回應近廿二萬市民上街嘅民意怒吼。
不過，人算不如天算，政府最後喺廿二萬市民上街壓力下被迫將法案押後二讀，令下周五嘅答問大會可如期舉行，估計屆時社民連同人民力量等激進嘅泛民主派議員，又會出盡法寶玩殘煲呔曾，令佢當眾出醜，難逃劫數。
