反立法會替補機制聲浪不絕於耳，但曾班子仍堅持恢復二讀法案。時事評論員劉銳紹尋日叫曾班子「唔好瞓覺到最後一分一秒」，要快啲搵定個下台階，順應民意打擦邊球，上策係押後表決，先做公眾諮詢，若果嫌落唔到台，可以呢幾日唔再向議員拉票，由得法案唔夠票自然死亡，最下策係強行通過法案，但就要面對嚴重嘅後遺症，如果連下台階都唔諗，就要小心仆死喇！
