機舖變相淪代幣賭場

網上低價放售圖利

本港多個討論區，近日湧現大量放售代幣的貼子，記者與賣家阿俊（假名）取得聯絡。他表示，於荃灣一間機舖贏得約一千五百枚代幣，可以低於市價賣幣，原價一元兩枚代幣，他願以七十元二百枚代幣成交，較「巿價」便宜三成。

阿俊更稱，近一、兩年才開始到機舖玩樂，但已對各種遊戲機瞭若指掌，「呢度啲推銀機、跑馬機都可以用代幣玩，但係我玩得最多嘅都係輪盤，貪佢賠率夠高！」

青少年一日輸千元

他更吹噓說，曾在機舖用了二十元，就贏得過千個代幣；但亦曾在一天內輸掉近千元。機舖內雖貼有告示，嚴禁任何人私自買賣代幣，但阿俊亦一於少理：「咪當我哋係朋友，我送啲代幣畀你玩，跟住你見我唔夠錢使，又借番啲錢畀我囉！」

東華三院平和坊戒賭輔導中心主任陳美璐以「十分危險」形容情況，她說：「青少年以咁嘅方式喺機舖贏錢，可能會令佢哋心思思，想真係試吓去賭。」病態賭徒防治會主席張杰光亦稱，暑假剛至，學生們將有更多空餘時間，勢將令更多青少年沉淪賭海。「佢哋喺網上買賣代幣雖然唔算犯法，但係咁做會令賭博條例名存實亡！」立法會議員陳克勤建議，警方應予以適度執法，打擊非法買賣代幣，防止更多青少年沉迷賭博。

影視處發言人表示，根據遊戲機中心牌照條例及賭博條例，遊戲機中心不可透過玩遊戲所得的成績，向任何人贈予獎金、獎品或退款，而根據紀錄，過去三年，曾有一間機舖向勝出遊戲的顧客送出獎品，違反上述條例。