政情：七一天晴 煲呔曾冇心情
今日七一，大家約定去遊行。落咗幾日雨，個天轉晴，係遊行嘅好天氣，真係連個天都畀大家方便。「七一先嚟出太陽，點解連個天都唔鍾意我。」一定係煲呔曾嘅心聲，佢好可能匿埋跳緊求雨舞，或者成個問責團隊一齊跳，個天會感動啲。早幾日立法會發展事務委員會開會，發展局局長林鄭月娥出席，三千新界人就僭建問題包圍立法會，個天落咗場大雨淋熄佢哋嘅怒火，提早撤離咗，睇怕煲呔曾就冇咁好彩喇。
今日七一，大家約定去遊行。落咗幾日雨，個天轉晴，係遊行嘅好天氣，真係連個天都畀大家方便。「七一先嚟出太陽，點解連個天都唔鍾意我。」一定係煲呔曾嘅心聲，佢好可能匿埋跳緊求雨舞，或者成個問責團隊一齊跳，個天會感動啲。早幾日立法會發展事務委員會開會，發展局局長林鄭月娥出席，三千新界人就僭建問題包圍立法會，個天落咗場大雨淋熄佢哋嘅怒火，提早撤離咗，睇怕煲呔曾就冇咁好彩喇。
