劉先生每晚均會在西貢碼頭巴士總站乘十時廿八分開出的299號九巴返回沙田，但近月發現有關班次經常脫班，令乘客無所適從，「好似五月廿六日晚，明明十點十七分有巴士埋站，但係要到十點四十三分先開車，司機沿途仲開得好慢，究竟發生咩事？」
九巴發言人解釋，近期299號巴士的班次大致正常，偶爾因為車務調動而調整班次。而五月二十六日晚上有車長臨時因病缺勤，所以延長乘客的候車時間。而有關車長已被訓示，須於安全情況下以正常車速行車。
沙田區議會交通及運輸委員會主席楊祥利表示，沙田區除299號外，多條巴士線均出現脫班情況，令居民怨聲載道，「情況都幾嚴重，九巴冇講咩原因，不過側聞好似係唔夠司機。無論咩原因都好，都希望九巴可以改善！」