鄉議局同政府就清拆新界村屋僭建問題正式開戰，鄉紳計劃喺下周二包圍立法會抗議當局強行拆僭建，官民衝突一觸即發。林鄭月娥昨日喺電台話，唔覺得自己在作戰狀態，又指鄉事派有鷹派抗爭，即係話鄉事派都有鴿派啦，指鄉議局組織龐大，有唔同立場、唔同意見及唔同取態係好正常。林鄭忽然提到處事較溫和嘅鴿派，莫非佢要鴿派鄉紳打救？
