ＥＱ九四年開始潛水、九八年攞到潛水教練牌，佢記得嗰陣時經常喺海裏面遇到大大小小嘅鯊魚游來游去，可惜近年買少見少，歸根究柢咪就係人類大量捕鯊囉。佢話早年以血腥宰鯊相勸人少食翅已經收效，反而近年有人話食翅係因為鯊魚咬人食人，有見及此，ＥＱ喺三月應保護鯊魚運動邀請，親自下海到巴哈馬群島親親鯊魚闢謠，證明鯊魚唔食人。睇吓佢喺海底好似同鯊魚做朋友咁，就知鯊魚唔可怕喇。
食咗素廿三年嘅ＥＱ早已無食翅，能夠親身潛水摸摸鯊魚闢謠實屬難得，唔知會唔會有一日，佢捲入啲乜乜事件需要佢解畫嘅時候，佢都唔「潛水」，而好似今次咁親身闢謠呢？