中環出更：慈善首映撐內地防愛滋

香港愛滋病基金會主席梁智鴻（金刀梁）日前喺金鐘太古廣場AMC搞咗個電影慈善首映會，為中國愛滋病防治行動嘅內地愛滋病防治項目籌募經費，總共有四個贊助商各捐二十萬元，加埋金刀梁吸番來嘅善款，足足籌得近百萬元。防治愛滋病固然重要，但當晚大家亦關心塑化劑及德國腸病毒入侵食品嘅危機。
李文斌（右）感激太太生咗對龍鳳胎，即使塑化劑食品影響生育都冇有怕喎。（何偉鴻攝）
李文斌（右）感激太太生咗對龍鳳胎，即使塑化劑食品影響生育都冇有怕喎。（何偉鴻攝）

李文斌無懼塑毒致不育

有份贊助首映禮嘅理文造紙董事總經理李文斌（Edmond）笑笑口話，唔擔心塑化劑食品影響生育，因為佢已經有一對龍鳳胎喎！咁萬一塑化劑食品影響到佢囝囝將來生育又點呢？Edmond就話呢個係佢囝囝嘅問題，總之佢自己就生夠喇！估唔到平時做事咁認真嘅Edmond都有幽默嘅一面喎。

同樣有份贊助首映嘅太子珠寶鐘錶主席鄧鉅明話，返屋企食住家飯最健康，但嚟緊暑假就有一個星期食唔到住家飯，事關佢要做廿四孝老竇，陪孻仔Eric去英國遊學，佢喺美國讀緊商科嘅廿一歲二仔都會飛過去英國一齊放假，香港個大本營就交畀廿六歲嘅大仔睇住。不過，佢放完假就有排忙，事關計劃到北京開分店，亦會喺香港物色靚舖位投資。

鄧鉅明嚟緊會陪囝囝到英國遊學當放暑假。
  • 鄧鉅明嚟緊會陪囝囝到英國遊學當放暑假。
梁智鴻太太（右）同香港愛滋病基金會副主席李頌基齊撐籌款首映禮。
  • 梁智鴻太太（右）同香港愛滋病基金會副主席李頌基齊撐籌款首映禮。

卓妮

Money18免費即秒股票報價網站現推出8升級功能，財經資訊，實時實發！