政情：科學家獲獎鬍鬚曾叨光

本港嘅科技發展裹足不前，但日前去完科學園十周年活動嘅財政司司長曾俊華，尋日就撰文反駁有關說法，死撐本港係一個科技城市，仲引咗近期攞咗國際獎項嘅港大教授任詠華、科大教授李行偉同中大教授黃捷等人做例子，話本港不乏科學人才喎。其實科技發展係需要政策配合，惟港府喺呢方面嘅支援乏善足陳，鬍鬚曾以為拉幾位靠自己努力而獲獎嘅科學家嚟，叨人哋嘅光就可為港府開脫，真係大錯特錯。