前政府資訊科技總監葛輝提早離職觸發一場政治風波，尋日佢爆料話喺上網學習支援計劃嘅招標過程中，受到來自比財爺鬍鬚曾更高層嘅政治壓力，真係一石激起千重浪。鬍鬚曾尋日雙目無神，有氣無力咁反駁葛輝講法係荒謬，仲強調遴選過程公平公正。紙係包唔住火嘅，立法會已經決定請葛輝上去將真相和盤托出，事件自然水落石出，所有牛鬼蛇神都會現形，大家就拭目以待喇。
