政情:馮偉華唔想孫公退休

教協作為全港最大嘅教師工會,不時就教育政策問題同教育局局長孫公孫明揚開戰。最近孫公證實患上腎衰竭,教協會長馮偉華反而好似唔係好想孫公咁快離職,究竟有乜玄機呢?

孫公年紀有番咁上下,而且帶病在身,照計可以提早告老歸田。馮偉華尋日出席教協活動時話,若然孫公健康真係無問題嘅話,加上局內員工支援,的確難言係咪需要辭職提早離任。如果孫公真係唔做,自然要搵人頂替,可惜馮偉華開列嘅三大條件,包括掌握教育事務、具備政治手腕、對教育熱心同投入,睇怕都好難有人符合到,難怪馮偉華講到好似唔想孫公咁快走人咁。

活動上仲有前天文台台長黑英林超英,雖然佢早前為咗英皇書院縮班問題同孫公撐到行,但佢好理性話要「人還人、事還事」,希望孫公健康之餘,亦會繼續向教育局爭取程序公義,即係唔會因為孫公有病而手下留情。

Money18免費即秒股票報價網站現推出8升級功能,財經資訊,實時實發!