政情：莊偉茵飛機聲伴成長
能夠成為空中服務員確係唔少男女生嘅夢想，可惜唔係人人都符合條件，偏偏啱晒條件嘅國泰航空企業事務董事莊偉茵（Quince），就從來都無諗過要做空姐。
童年住九龍城
不過，Quince不時要出門幫國泰接收新飛機返香港，由於每次都只係得機組人員乘搭，所以可四圍參觀，就連機組人員嘅休息室「禁地」都入得，就算佢冇做過空姐都無憾啦！
上星期Quince先至去完美國西雅圖接收新波音飛機返港，佢除咗講起收飛機嘅趣事外，仲憶起童年往事。原來Quince喺九龍城出世，飛機聲陪伴成長，每日都睇住國泰嘅飛機喺啟德機場升降，到考試季節又會約同學去機場溫書。
不過，佢從來都無諗過入機場工作，直到機場由九龍城搬到赤鱲角後，佢先至加入國泰，一直做到高層，同國泰好有緣分。