香港人好多都不能安居樂業，死後要搵個位擺骨灰亦好難，特區政府喺安置骨灰問題上搞到一鑊泡，諮詢完又諮詢，又搞埋啲甚麼表一表二，點都唔講明邊啲合法、邊啲要覓地移走。
食物及衞生局局長周一嶽尋日講到出口，叫市民物色骨灰龕，唔好只係信廣告，但就話立法規管骨灰龕要留畀下屆政府進行。終於可以好痛快咁將個燙手山芋推畀下屆政府，佢做呢份工，終於望到終點喇。
