政情：曾鮑笑薇搭升降機享特權
董建華太太董趙洪娉多年前搭飛機，曾要求機艙人員安排佢坐喺較寬敞嘅1A座位，佢仲大聲反問職員：「你知唔知我係邊個？」事件傳出之後畀人話佢恃勢凌人，從此A1更成為特首夫人嘅別稱。現任嘅A1曾鮑笑薇日前去酒店，獲享「封
」服務，即係又搞特權，辣興咗其他酒店貴賓。
事件發生喺金鐘一間五星級酒店，有一日喺午飯嘅繁忙時間，竟然有酒店職員強勢「封」，聲言部要預留畀VIP使用，其他趕住搭嘅人客被迫滯留大堂。咁搞法，在場人士固然鼓譟，其中一名趕住去開會嘅澳洲商人更大聲質問：「你（職員口中的VIP）以為自己係邊個？」事後先知嗰位VIP原來係A1。
搞出咁嘅風波，酒店隨即「耍冧」，承認佢哋喺此事嘅處理手法有待改進，但同時強調，佢哋搞出呢個大頭佛，某程度上都因為佢哋事先唔知有呢位貴賓大駕光臨，如果時間多啲，一定安排得好啲。