勞聯李鳳英 呢個分上下集嘅預算案，猶如由兩個信奉不同經濟學理論嘅司長各演半場，當中有不少前言不對後語，今日的我打倒昨日的我嘅尷尬情況。
公民黨陳淑莊 面對怨氣淨係識得派錢，好似索K咁，減一減，但唔針對根源，仲衰過「頭痛醫頭，腳痛醫腳」……今次係「頭痛醫腳」！
自由黨方剛 諮詢工作做咗幾個月都冇接受政黨、商會及市民嘅意見，但不到一星期，就推出之前話冇考慮過嘅決定嚟撲火，呢個係非常倉卒嘅行為。
民主黨李永達 曾俊華打爛咗香港幾十年財政司司長嘅神主牌……市民大眾都想知你個諮詢係咪真、係咪有用，你宣布嘅嘢短期內會唔會改番轉頭。
自由黨張宇人 加煙稅根本冇用（減少煙民），但周一嶽貪勝不知輸，堅持加煙稅，功勞歸自己，但就害苦煙民同基層市民。
人民力量黃毓民 派錢令理財哲學蕩然無存，好佩服你咁都解釋到係符合理財原則，我識扭橫折曲都冇你咁勁！
專業會議石禮謙 預算案似一個聖誕布丁，材料乜都有啲，但做得唔夠精緻。