政情：談判破裂陳維安卸責鬧書商

教育局與書商就學校教科書同教材分拆收費嘅談判破裂收場，書商表明要政府包底幫學校買教材先至肯減書價，負責談判嘅教育局副局長陳維安就批評有關建議唔公道及不可接受。其實書商在商言商想賺錢，就算唔係天經地義都係人所共知，做官嘅責任係要諗計解決問題同平衡各方利益，並非書商唔肯賺少啲就可以亂咁唱衰人。自己搞唔掂件事只識卸責別人，同樣係唔公道兼不可接受。