中環出更:黃婉曼買花氹自己

「天氣女神」黃婉曼(Icy)一炮而紅後轉戰做節目主持,但得閒都要行街買嘢鬆一鬆,佢尋日着住對斗零踭短靴,喺銅鑼灣買完朱古力又買花,原來係要氹自己同同事開心。

同粉絲有講有笑

尋日下晝五點幾,卓妮喺銅鑼灣時代廣場見到Icy一個人行街街睇衫,不過最後都睇唔啱。Icy睇完衫後就轉戰city’super買咗少少麵包、一紮花同一盒朱古力,排隊畀錢期間有職員同粉絲過嚟同佢打招呼,Icy都有講有笑回應。

之後卓妮問佢,又買花又買朱古力,係咪想用嚟氹吓男朋友先?Icy笑笑口咁話,做女仔唔使咁主動,紮花只係買嚟氹吓自己,會拎返屋企自己插,而買麵包同朱古力只係因為轉頭要返工,所以買啲嘢食同同事一齊分享喎。咁識做,唔怪得風靡萬千觀眾啦!

Money18免費即秒股票報價網站現推出8升級功能,財經資訊,實時實發!