政情:黃成智嘲派錢如一夜情

財爺鬍鬚曾為免預算案遭否決,月初宣布向所有成年永久居民派錢六千蚊補鑊,但至今都未有派錢安排細節,連點樣界定十八歲都唔知,估計到正式派錢時,肯定又甩漏多多,再惹民怨。民主黨黃成智尋日喺立法會特別財委會上,譏諷派錢方案係鬍鬚曾同建制派喺未經深思下搞出嚟嘅「一夜情預算案」,「冇責任、冇長遠承擔、冇感情,但最弊就係有手尾(派錢安排)跟!」